الحلقة ال6 دقة قلب ♥

جاسر فى المحاضرة
جاسر " اولا احب اعرفكم بنفسى انا جاسر توفيق .."
يقطع حديث جاسر
ملك وهى تدق على باب منتظرة الاذن
بالدخول وهى فى حالة احراااااج
ملك تنظر بطرف عنيها للمعيد
ملك بصوت واطى " يا نهااار ابيض ده هو !! "

جاسر يشوفها

جاسر بحزم " يا انسة .... حضرتك معاكى ساعة صح ؟؟ ...يعنى تعرفى الساعة انتى مكنتيش فى عالم تانى ولسه جاية !!! "

ملك اتحرجت

ملك بأحراج " انا والله .حصلى ظرو.."

جاسر " ميهمنيش حصلك ظروف ولا محصلش ...انا هنا محدش يدخل بعدى انا اخر واحد بدخل ...مهو احنا مش هنقطع الشرح علشانك "

ملك بتنزل منها دمعة من احراجها

جاسر يتردد لما يشوف دموعها ويقول فى سره " مهو انت كنت السبب فى تأخيرها ..ادخلها وخلاااص ..بس لا ..شكلى هيبقى ايه قدام الطلاب "

جاسر بحزم " اتفصلى برااا يا انسة !!!! "

ملك تطلع برا ووشها احمر

ملك " انا اول مرة حد يهزقنى كده ...انا شكلى دلوقتى قدامهم كان عامل ازاى والاستاااذ عمال يدينى فى محاضرات ..هو انا ناقصاه مش كفاية المحاضرات اللى بأخدها فى البيت "

ملك تجلس فى الكافتريا

تخرج موبايلها من حقيبتها

ملك " الو يا سلمى ...طمنينى طنط عاملة ايه ؟"

سلمى " طنطك بتدلع يا ملك اهيه زى الحصان قدامى ..كسر بسيك فى ايدها بس "

ملك " بس انتى يا بت ...هاتى طنط اكلمها "

سلمى " ماشى يا حجة من لاقى احبابه نسى اصحابه ..ماما اهى معاكى "

ملك " الف سلامة عليكى ياا طنط كده تخوفينا عليكى "

والدة سلمى " الله يسلمك يا حبيبتى ...تبقى تعالى انتى وحشتينى "

ملك " وانتى كمان وحشتينى اوووى يا طنط..ان شاء الله هاجى قريب "

والدة سلمى " خلااص خلااص يا سلمى ..البت بتشد منى التليفون "

سلمى " ايوة يا ملوووكة مش انتى مفروض تبقى فى المحاضرة ؟؟؟ "

ملك بغيظ "انسان معندوش ذووق "

سلمى " مين ده ؟؟ "

ملك " بعدين بعدين "

سلمى " بقولك ايه ...فى رواية نازلة حلوووة اوووى تبقى تجيبيها "

ملك " رعب ولا اجتماعى ولا ايه ؟؟ "

سلمى " تؤ رومانسى "

ملك " هبلة زى ما انتى ...انتى لسه بتجيبى روايات كده ديه هى اللى معيشاكى فى احلام بمبى "

سلمى " بجد شكلها حلوة هاتيها وهاتلى واحدة معاكى ..ولا اقولك لا هاتيها وانا هبقى انصبها منك "

ملك " ماااشى يا نصااابة ...اسمها ايه ؟؟ "

سلمى " الحب ليث ....لفاطمة طلال "

ملك " حب !!!!! ...بصى انا هجيبها بس مش هقراها "

سلمى " بطلى رخامة اقريها ..علشان نفضل نشتم على الشخصيااات اللى مش بتعجبنا "

ملك " امرى لله ....ماشى ..خلى بالك من طنط...هتيجى الجامعة بكره ؟؟؟ "

سلمى " اه ان شاء الله ..انتى يا بت قاعدة فاضية وعمالة ترغى فى التليفون "

ملك بسخرية " اصلى اتطردت من المحاضرة "

سلمى " ايييييييييييه !!!...ملك النجيبة اللى مبتتكلمش فى المحاضرات ..تطردت ..ده انا على كده فاتنى حدث تاريخى "

ملك " اقفلى ..سلام "

سلمى " ههه سلام "

           **********************

جاسر يلملم اوراقه داخل حقيبته بعد الانتهاء من اول محاضرة ليه

جاسر " الحمدالله ..عدت على خير ..كنت خايف "

يفتكر جاسر ملك وهى محرجة

يحس بتأنيب الضمير

" مهو انا اللى اخرتها ..وفوق ده احرجتها قدام الطلاب كلهم ...تؤ هو انا كبرت الحكاية كده ليه كنت سيبتها تدخل وخلاااص .... ولازم تديها كلمتين فى عضمها "

*******************